नाममै विवादित ‘गाँजा बाजा’ ले तोक्यो रिलिज डेट
नाममै विवाद गरिएको फिल्म ‘गाँजा बाजा’ अन्ततः रिलिज हुने भएको छ । यही सालको फागुन २५ गते फिल्म अल नेपाल रिलिज गर्ने निर्माण पक्षले घोषणा गरेको छ । रिलिज मितिसँगै गाँजा बाजा को ‘ह्याप्पी ह्याप्पी मुड’ बोलको गीतको भिडियो पनि सार्वजनिक भएको छ । फिल्म रिलिज बारे डि आर फिल्मसले प्रेस विज्ञप्ती नै जारी गरेको छ । गीतको भिडियो हेर्नुस् :
निख एण्ड जटाको संगीत रहेको गीतमा जटावेदा बेनर्जीको स्वर छ । गणेशदेव पाण्डेको लेखन निर्देशन फिल्ममा अनुपम शर्मा, सुशील सिटौला, रविन थापा, उद्दव भट्टराई, अम्बर सुवेदी, वर्षा सिवाकोटी, रक्षा श्रेष्ठ, जीवन भट्टराई, गोपाल अर्याल, कुविर सुब्बा लगायत कलाकारको अभिनय रहेको छ । याकोपो रास्लिकको छायाँकन, लोकेश बज्राचार्यको सम्पादन छ ।
बाबा (सिनेमा निर्माण कम्पनिको सहयोगमा डीआर फिल्मस र टुका इन्टरटेनमेन्टको व्यानरमा निर्माण भएको सिनेमाका निर्मातामा दिपेन्द्र रेग्मी र गोमा विष्ट थापा रहेका छन् । ‘गाँजा बाजा’ नामकै कारण २ वर्ष देखि सेन्सर झमेलामा फसेको थियो ।
