ठेकीको दहीलाई दश लाख (भिडियो सहित)
फिल्म ‘हुर्रे’ मा समावेश ठेकीमा दही बोलको गीतलाई युट्युवमा दश लाख भन्दा बढी पटक हेरिएको छ । राजनराज सिवकोटीको संगीत रहेको गीतलाई दर्शक तथा श्रोताले रुचाएको पाइएको छ । राजेन्द्र थापाको शब्द रहेको गीतमा संगीतकार सिवाकोटी र मिलन अमात्यको स्वर छ । एरेञ्ज राजन इशानले गरेका हुन् । भिडियो हेर्नुस् :
बिक्रम स्वारको कोरियोग्राफी रहेको गीति भिडियोमा फिल्मका मुख्य तीन मुख्य पात्र केकी अधिकारी, राजाराम पौडेल र अंकित खड्काले कम्मर मर्काएका छन् । यम थापाको लेखन तथा निर्देशन रहेको फिल्म हुर्रे फागुन २५ गतेदेखि प्रदर्शनमा आउँदैछ । दावा शेर्पा, सोनम लामा, छिरिङ दोर्जेको निर्माणमा बनेको फिल्मलाई चन्दन दत्तले सम्पादन गरेका छन् । गत डिसेम्वर १ मा ‘हुर्रे’ को गीत युट्युवमा अपलोड गरिएको थियो ।
