वेब सिरिज ‘तिम्रो ल्याङ्ग ल्याङ्ग’ आउँदै
ह्याप्पी रेकर्डको प्रस्तुतिमा ‘तिम्रो ल्याङ्ग ल्याङ्ग’ नामक फरक कथा वस्तु बोकेको वेब सिरिज यहि आउँदो जनवरी १ २०१८ देखि ह्याप्पी रेकर्ड्स नेपाल नामक युट्युव च्यानलबाट प्रशारण हुन गइरहेको छ । उक्त वेब सिरिजको टाईटल ट्राक भर्खरै युट्युवमा सार्वजनिक गरिएको छ । हेर्नस् :
सिरिजको निर्देशन सुजन मानन्धरले गरेका हुन भने ब्याग राउण्ड स्कोर रिकेश मानन्धरले गरेका छन् । सुलब महर्जनको छायांकन रहेको सिरिजमा सुमन चित्रकार श्रेष्ठ, एरिना गुरुङ, सपना तामाङ, सिरन बज्रचार्य लगायतको मुख्य भुमिका हुनेछ । दुई जोडी बिच हुने रमाईलो प्रसङ्गहरुका साथ साथै युवा अवस्थाको प्रेम सम्बन्धमा निम्तिने हरेक प्रकारका समस्याहरुको पनि यसमा चित्रण गरिने जानकारी निमार्ण टिमले दिएको छ ।
यो वेब सिरिजबाट नयाँ प्रतिभालाई पनि प्राथमिकता दिने भएकाले नेपाली युवाहरुले मन पराउँनेमा निर्देशक मानन्धर ढुक्क जस्तै छन् । यो वेब सिरिज बजारमा आएका वेब सिरिज भन्दा फरक कथा वस्तु दर्शाउने छ । यो सँगै कमेडी, इन्टरटेमेन्ट र ड्रामा भरिएको उक्त सिरिज जम्मा १२ श्रृङखलासम्म प्रसारण हुनेछ ।
