हेर्नुस् आर्यन र प्रियंकाको ‘मायाका रंगहरु’
यही पौष २८ गतेदेखि प्रदर्शनमा आउने फिल्म ‘बटरफ्लाई’ को शिर्ष गीतको भिडियो रिलिज गरिएको छ । बटरफ्लाई अर्थात् ‘मायाका रंगहरु’ बोलको गीतमा विकास चौधरीको संगीत, सुरज लामिछानेको शब्द र युवराज चौंलागाईंको स्वर छ । कविराज गहतराजको कोरियोग्राफी रहेको भिडियो यस्तो बनेको छ :
फिल्मको सार्वजनिक गीतको भिडियोमा फिल्मका मुख्य दुई पात्र आर्यन अधिकारी र प्रियंका कार्की फिचरिंग छन् । गीत स्याड भर्सनको छ । ओम प्रतिक गुरुङको लेखन तथा निर्देशन रहेको फिल्मलाई पुष्पाञ्जली अधिकारी,रामशरण राना र भुपेन्द्र सुवेदी मिलेर निर्माण गरेका हुन् । फिल्ममा आर्यन र प्रियंकासँगै अभिनेता अर्पण थापाको पनि मुख्य भूमिका रहेको छ ।
