‘लिलिबिली’ मा प्रियंका र प्रदीपको रोमान्स, युरोप छायाँकन समापन
फिल्म ‘लिलिबिली’ को युरोप छायाँकन सकिएको छ । लन्डन, स्कटल्याण्ड हुँदै टर्कीको स्थानबुलमा पुगेर फिल्मको छायाँकन सकिएको हो । फिल्मको स्थानबुलमा प्रदीप खड्का र प्रियंका कार्की फिचरिङ गीतको छायाँकन गरियो । फिल्मको केहि प्रतिशत छायाँकन भने नेपालमै हुनेछ ।
युरोपियन देशमा ‘लिलिबिली’ को छायाँकन सकिन झन्डै ५० दिन लाग्यो । मिलन चाम्स निर्देशित फिल्ममा प्रियंका कार्की, प्रदीप खड्का, जसिता गुरुङ र अनुपविक्रम शाहीको मुख्य भूमिका छ । काफिया फिल्मस, सुदीप खड्का प्रोडक्सन र चाम्स इन्टरटेनमेन्टको व्यानरमा निर्माण भैरहेको फिल्ममा गोविन्द शाही, सुदिप खड्का र निर्देशक चाम्सको लगानी छ । ‘लिलिबिली’ चैत ३० मा देशभर प्रदर्शन हुँदैछ ।
