‘कान्छी’ नयाँ गीत : श्वेताको लागि दयाको जिउ दाउमा
श्वेता खड्काको निर्माण तथा अभिनय रहेको फिल्म ‘कान्छी’ को नयाँ गीत सार्वजनिक गरिएको छ । अर्जुन पोखरेलको संगीत तथा दयाराम पाण्डेको शब्द रहेको ‘यो जीउ दाउमा लाउने मैंले तिमीलाई मात्र हो’ बोलको गीतको भिडियोमा धमेन्द्र सेवनको स्वर छ । भिडियो हेर्नुस् :
बसन्त श्रेष्ठको कोरियोग्राफी रहेको भिडियोमा श्वेता सहित अभिनेता दयाहाङ राई, नायिका अनु शाह र कलाकारहरु कामेश्वर चौरसिया, आशान्त शर्मा, भूमिका श्रेष्ठको नृत्य छ । आकाश अधिकारीको निर्देशन रहेको ‘कान्छी’ आउँदो फागुन ४ गतेदेखि प्रदर्शनमा आउँदैछ ।
‘कोहिनूर’ पछि फिल्म निर्माण तथा अभिनयमा फर्किएकी श्वेताको कान्छी प्रतिक्षामा छ । श्वेता फिल्मको प्रचार प्रसारमा तिव्र रुपमा लागि रहेकी छन् । ‘कान्छी’ को पहिलो गीत ‘चरी चट्ट परी’ गीत भैसकेको छ ।
