भर्जिनियामा ‘पञ्चायत’ को प्रशंसा
पञ्चायत कालको सामाजिक परिवेश र छाउपडी प्रथामा किशोरलीले भोग्नु परेको सामाजिक पिडाको विषयमा बनाइएको फिल्म ‘पंचायत’ को अमेरिकास्थित भर्जिनिया शहरमा विशेष शोको आयोजना गरिएको छ । अभिनेता सरोज खनाल समेत उपस्थित उक्त शोमा फिल्म हेरेपछि सहभागी ‘पञ्चायत’ तारिफ गरेका छन् ।
विशेषतः फिल्मको कथा वस्तु र कलाकार अभिनेता खनाल र नायिका नीता ढुंगानाको अभिनयलाई शोमा सहभागी प्रशंसा गरे । शिवम अधिकारीको लेखन तथा निर्देशन रहेको फिल्मको विभन्न देशमा विशेषे तथा च्यारेटी भैरहेको छ । फिल्ममा सरोज र नीता सहित रुपा राना, गिता अधिकारी, गणेश गिरी, जाहान्वी बस्नेत, सुचित्रा उप्रेती, प्रकृति ढुङेल, विशाल पहारी, किरण थापा, अश्विनी कोइराला, राजु बाबु श्रेष्ठ लगायतको अभिनय रहेको छ ।
गणेश गिरीको प्रस्तुती रहेको पञ्चायत निर्माण सुशान्त श्रेष्ठ र शंकर सुवेदीले गरेका हुन् । सञ्चारकर्मी रवि अधिकारी फिल्मका कार्यकारी निर्माता हुन् । टंक बुढाथोकीको संगीत र रामेश्वर कार्कीको छायांकन रहेको फिल्मलाई विपिन मल्लले सम्पादन गरेका छन् ।
नेपालमा भने ‘पंचायत’ चैत २ गते प्रदर्शन हुनेछ । फिल्मले सान्फ्रान्सिस्को अन्र्तराष्टिय फिल्म फेस्टिभलमा उत्कृष्ट विदेशी भाषीको फिल्म र नायिका गरी दुई विधामा अवार्ड जित्न सफल भएको थियो ।
