‘ह्याप्पी डेज’ स्थगन, ‘पद्यमावती’ हुने भो प्रदर्शन
दयाहाङ राई, प्रियंका कार्की र संजय गुप्ता अभिनित फिल्म ‘ह्याप्पी डेज’ को प्रदर्शन मिति स्थगीत भएको छ । माघ १२ गते दुई ठुला बलिउड फिल्म पनि प्रदर्शनमा आउने भएपछि ‘ह्याप्पी डेज’ उक्त मितिमा प्रदर्शन नहुने भएको हो ।
माघ १२ मा अक्षय कुमारको ‘प्याड म्यान’ र विवादित फिल्म ‘पद्यमावती’ एकसाथ प्रदर्शनमा आउने भएपछि मिलन चाम्स निर्देशित ‘ह्याप्पी डेज’ उक्त मितिमा रिलिज नहुने भएको हो । बलिउडका दुई प्रतिक्षित फिल्म रिलिज हुँदा नेपाली फिल्मलाई मल्टिप्लेक्समा शोज सिधै कम हुन आउँछ ।
तोकिएको मिति स्थगन भएपनि ह्याप्पी डेजको नयाँ प्रदर्शन मिति भने तय गरिएको छैन । उसो दयाहाङ अभिनित यही शुक्रबार मिस्टर झोले र फागुन ११ मा कान्छी प्रदर्शन हुँदैछ ।
