‘नेप्टे’ गीतमा ‘सुपारी काँचो, बुहारीको पर्यो खाँचो’
चैत ३० गतेदेखि प्रदर्शनमा आउने फिल्म ‘नेप्टे’ को पहिलो लोक लयमा आधारित पहिलो गीत सार्वजनिक गरिएको छ । रोहित रुम्बाको प्रस्तुतिमा निर्माण भएको यो फिल्मको ‘सुपारी काँचो’ बोलको गीत रिलिज भएको हो । आर रोशफी फिल्मस् प्रालिको ब्यानरमा निर्माण भएको फिल्मको गीत यस्तो बनेको छ :
यो गीतमा ओम सुनार र सावित्री जोशीको स्वर, ओम सुनारको संगीत, भानुभक्त ढकालको शब्द छ । कविराज गहतराजको कोरियोग्राफी रहेको भिडियोलाई हरि लामाले खिचेका हुन् । तारा थापाको सम्पादन रहेको फिल्मका निर्माता रोहित रुम्बा नै हुन् । देवकुमार श्रेष्ठले फिल्मको निर्देशन गरेका हुन् । फिल्ममा दयाहाङ राई, रोहित रुम्बा, वुद्धि तामाङ, अर्जुन गुरुङ, छुल्ठिम गुरुङ, पूर्णिमा लामा, आना कार्की लगायतका कलाकारको मुख्य भूमिका छ ।
प्रनिशा सिलवाल यो फिल्मबाट यो क्षेत्रमा भित्रिदैछिन् । फिल्ममा रोहितकै कथा, पटकथा तथा संवाद किरण माइकलको रहेको छ । रोशन श्रेष्ठको एक्सन रहेको यो फिल्मले सामाजिक कमेडी कथालाई उठान गरेको निर्माता तथा कलाकार रोहितले बताए ।
