चैत १६ मा ‘ह्याप्पी डेज’, अन्यौलमा ‘लिलिबिली’
माघ १२ गतेबाट सरेको फिल्म ‘ह्याप्पी डेज’ अब चैत १६ गते आउने भएको छ । निर्देशक मिलन चाम्सले यो फिल्मको नयाँ प्रदर्शन मितिबारे खुलाएका हुन् । फिल्ममा दयाहाङ राई, प्रियंका कार्की र संजय गुप्ताको मुख्य भूमिका रहेको छ । ‘ह्याप्पी डेज’ को प्रदर्शन मिति पक्का गरेपनि फिल्म ‘लिलिबिली’ बारे भने निर्देशक चाम्स अन्योलमा रहे ।
सोमबार गरिएको प्रेसमिटमा उनले ‘लिलिबिली’को को प्रदर्शन मिति तोक्न बाँकी रहेको बताए । ‘हामी छलफल गरि रहेका छौं’, निर्देशक चाम्सले भने । प्रदीप खड्का, प्रियंका कार्की, जसिता गुरुङ, अनुपविक्रम शाहीको मुख्य भूमिका रहेको फिल्मको सुरुमा नेपाली नयाँ वर्ष चैत ३० गते तोकिएको थियो । त्यसपछि बैशाख १४ मा सारिएको थियो । पछिल्लो मितिमा पनि फिल्म रिलिज गर्न निर्माण पक्ष तयार देखिएको छैन । ‘लिलिबिली’ प्रेसमिटको भिडियो हेर्नुस् :
