‘लाल पुर्जा’को लागि विपिनले बढाए १० केजी वजन
अभिनेता विपिन कार्की प्रत्येक फिल्ममा भिन्न भिन्न भूमिकामा प्रस्तुत हुन्छन् । उनी आफ्नो भूमिकाको लागि हदै सम्मको मिहेनत गर्छन् । फिल्म ‘लाल पुर्जा’को लागि पनि अभिनेता कार्कीले ठुलो मिहेनत गरेका छन् । विपिनसँग गरिएको यो रमाईलो कुराकानी हेर्नुस् :
आउँदो माघ ४ गते प्रदर्शन हुने ‘लाल पुर्जा’ को लागि विपिनले आफ्नो वजन बढाएका छन् । किन त ? ‘अब दाई भनिरहेको मान्छे (सौगात मल्ल) लाई भाई भन्नु पर्ने रोल छ । दाई जस्तो देखिन पनि ‘लाल पुर्जा’ मा मोटाउनु पर्ने भयो’, बिपिनले खुलाए, ‘सुरुमा यो रोलको लागि दया दाई सोचिएको रहेछ । दया दाई जस्तै देखिन पनि मोटाउनु पर्ने भयो ।’ ६८ केजीका बिपिन लाल पुर्जा को लागि ७८ केजी पुगेका थिए ।
निगम श्रेष्ठ निर्देशित ‘लाल पुर्जा’मा सौगात भाई र विपिन दाईको भूमिकामा प्रस्तुत भएका छन् । विक्रम सिंह थारु र उमेश श्रेष्ठ निर्मित फिल्ममा सौगात र विपिनसँगै हरिहर शर्मा, मेनुका प्रधान, मिरुना मगर, कमलमणी नेपाल लगायतको अभिनय रहेको छ । फिल्मको प्रोमो हेर्नुस् :
