‘मिस्टर भर्जिन’ सँग छुल्ठिमको ठुम्का
नायिका छुल्ठिम गुरुङले फिल्म ‘मिस्टर भर्जिन’ मा ठुम्का लगाएकी छन् । छुल्ठिमको ठुम्कासँगै उक्त फिल्मको छायाँकन सकिएको छ । फिल्मको आइटम गीतमा छुल्ठिमसँगै नायक गौरव पहारी र कलाकार कमलमणी नेपालले कम्मर मर्काएका छन् ।
तीन युवा पुस्ताको यौन मनोविज्ञानको कथालाई लिएर निर्माण भएको फिल्म ‘मिस्टर भर्जिन’ लाई निर्देशक विशारद बस्नेतले निर्देशन गरेका हुन् । फिल्ममा गौरव पहारी, बिजय बराल, कमलमणि नेपाल, मरिस्का पोख्रेल, भोलाराज सापकोटा, रविन्द्र झा, सिर्जना सुब्बा लगायतका कलाकारको अभिनय रहेको छ । महेश दवाडीको कथा रहेको फिल्मलाई रामेश्वर कार्कीले खिचेका हुन् । यस्तै विक्रम स्वाँर र दीपकमान सिंहको कोरियोग्राफी र सुरज पण्डित, श्रीकृष्ण बम मल्ल, बुलेट फ्लो, आधा सुर, आर जे, मिस्टर प्रिन्सको संगीत रहेको छ ।
वोर्ल्ड वाइड फिल्म्स डिस्ट्रिव्यूसन प्रा.लीको ब्यानरमा बनेको ’मिस्टर भर्जिन’ मा खिलेन्द्र तिमल्सिना, प्रजापती सिवाकोटी, मुकेश रेग्मी र बिशारद बस्नेतको लगानी रहेको छ भने सह निर्मातामा सन्दिप उप्रेती रहेका छन् । आउँदो बैशाख अन्तिममा फिल्मलाई रिलिज गर्ने लक्ष्य राखिएको छ ।
