ट्रेन्डिङ नम्वर एकमा ‘लिलिबिली’ को गीत
फिल्म ‘लिलिबिली’ को गीत युट्युव ट्रेन्डिङ नम्वरमा आएको छ । नायक प्रदीप खड्का र नायिका जसिता गुरुङ स्टारर गीतको भिडियो दुई दिनमा सवा ६ लाख भ्युज कमाउँदै नेपाल ट्रेन्डिङमा पहिलो स्थानमा आएको हो । स्कटल्यान्डमा खिचिएको गीतको भिडियोलाई कविराज गहतराजले कोरियोग्राफी गरेका हुन् । भिडियो :
एलिश कार्कीको संगीत रहेको गीतमा राजेश कुमार श्रेष्ठको शब्द छ । स्वर प्रदाप दास र मेलिना राईले दिएका छन् । छायाँकन सुदिप बरालले गरेका हुन् । मिलन चाम्स निर्देशित ‘लिलिबिली’ मा प्रदीप र जसितासँगै नायिका प्रियंका कार्की, अनुपविक्रम शाही र नायक सविन श्रेष्ठ अतिथि भूमिकामा प्रस्तुत भएका छन् । गोविन्द शाही र सुदिप खड्का निर्माता रहेको फिल्मको प्रदर्शन मिति भने तय भैसकेको छैन । प्रेसमिटको भिडियो हेर्नुस् :
