गृहनगरका वृद्धलाई दिपाश्रीको कम्मल कोसेली
निर्देशक दिपाश्री निरौलाले गृहनगर विराटनगरका बृद्धबृद्धा तथा बालबालिकालाई जाडोको न्यानो कपडा वितरण गरेकी छन् । दिपाश्रीले त्यहाँको कटहरी महेशुर विद्यालयका ८० जना विद्यार्थीलाई स्विटर र बकरीका एक सय जना बृद्धबृद्धालाई कम्मल वितरण गरेकी हुन् । कम्मल वितरण कार्यक्रममा प्रतिनिधि सभा सदस्य लालबाबु पण्डित पनि उपस्थित थिए ।
माघे संक्रान्तिको कार्यक्रममा सहभागी हुन दिपाश्री विराटनगर पुगेकी थिइन् । ‘माघीमा एउटी चेलीको यो न्यानो कोशेली स्वरुप कम्मल र स्विटर दिएकी हुँ’, दिपाश्रीले छोटकरीमा भनिन् । ‘छक्का पञ्जा ३’ निर्देशनको तयारीमा रहेकी दिपाश्री अभिनित फिल्म ‘सत्रुगते’ चैत ९ गतेदेखि प्रदर्शनमा आउँदैछ ।
