‘लाल पुर्जा’ प्रिमियरमा जम्यो सौगात र सृष्टि जोडी
फिल्म ‘लाल पुर्जा’ को बिहिबार प्रिमियर गरिएको छ । दरबारमार्गस्थित क्युज हलमा आयोजना गरिएको प्रिमियर शोमा सौगात मल्ल, विपिन कार्की, मिरुना मगर, सृष्टि श्रेष्ठ सहित अन्य फिल्म युनिटका सदस्यहरु उपस्थित थिए । फिल्म हेरेपछि प्रिमियरमा सहभागीले मिश्रित प्रतिक्रिया दिए ।
विक्रम सिंह थारु र उमेश श्रेष्ठको संयुक्त लगानी रहेको फिल्म ‘लाल पुर्जा’ मा सौगात, विपिन, मिरुना सँगै अभिनेता हरिहर शर्मा, कामेश्वर चौरसिया, मेनुका प्रधान, मिश्री थापा, कुमार नगरकोटी, कमलमणी नेपाल लगायत कलाकारहरुको अभिनय रहेको छ । फिल्ममा सृष्टिको केमियो छ ।
फिल्मको कथा निर्देशक श्रेष्ठ र निर्माता थारुले लेखेका हुन् । माघ ४ गते मोफसलमा प्रदर्शन भएको फिल्म शुक्रबारदेखि राजधानीमा पनि प्रदर्शन हुँदैछ ।
तस्बिर : विवेक बस्याल
मिरुना र मेनुकासँग गरिएको रमाईलो कुराकानी हेर्नुस् :
