लण्डनमा साम्राज्ञी र धिरज (फोटो फिचर)
कोरियोग्राफर रेनषा वान्तवा राईको डेव्यु निर्देशन रहेको फिल्म ‘इन्टु मिन्टु लन्डनमा’ का केही एक्सक्लुसिभ तस्बिरहरु सार्वजनिक भएका छन् । ७५ प्रतिशत छायाँकन पुरा भएसँगै फिल्मका मुख्य पात्र नायिका साम्राज्ञी राज्य लक्ष्मी शाह र नव नायक धिरज मगरको तस्बिरहरु सार्वजनिक गरिएको हो ।
फिल्मको बाँकी २५ प्रतिशत छायाँकन चैत र बैशाखमा युकेमै छायाँकन गरिने निर्देशक राईले बताइन् । ‘हामी फस्ट सेडिउल अन्र्तगत डिसेम्वरमा युण्केका ‘फेस्टिभ’ सिनहरु खिचेका छौं’, रेनाषा भन्छिन । प्रज्जवल समशेर जबरा र निर्देशक राईकै कथा रहेको रोमान्टिक लभ स्टोरी जनराको फिल्ममा मा साम्राज्ञी र धिरजसँगै नायक सारुक ताम्राकारको पनि फिल्ममा मुख्य भूमिका छ । सारुक यसै वर्ष प्रदर्शनमा आएको ‘रानी’ फिल्मबाट डेव्यु भएका हुन् ।
आई कोर फिल्मस्को व्यानरमा ‘इन्टु मिन्टु लन्डनमा’ लाई प्रभु समशेर जबरा र प्रज्जवल समशेर जबराले निर्माण गरेका हुन् । फिल्मका सह निर्माताहरुमा सुलेखा राई, बसन्त तामाङ र सुष्मिता जिरेल रहेका छन् ।
अभिमन्यु दिक्षित र रेनषाको लेखन रहेको फिल्ममा आभाष कर्माचार्यको संवाद रहेको छ । यस्तै फिल्ममा शैलेन्द्र डि.कार्कीको छायाँकन तथा सुजिल कर्माचार्य, हर्कुलस बस्नेत, स्वप्न सुमन र बसन्त सापकोटाको संगीत रहेको छ ।
