फाइनल भए ‘छक्का पञ्जा ३’ का छायाँकार
फिल्म ‘छक्का पञ्जा ३’ लाई राष्ट्रिय पुरस्कार विजेता छायाँकारले खिच्ने भएका छन् । दर्जन बढी सफल फिल्म खिचेका पुरुषोत्तम प्रधानले ‘छक्का पञ्जा ३’ खिच्ने भएका हुन् । गत साता फिल्म निर्माण टिम र प्रधान बिच सम्झौता भएको हो ।
‘छक्का पञ्जा’ समेत खिचेका छायाँकार प्रधानले तेश्रो श्रृङखलामा आएर भने निर्माण पक्षसँग सेयर मागेका छन् । कति प्रतिशत सेयरमा बस्ने भन्ने बारे चाहिं छलफल भैरहेको निर्देशक दिपाश्री निरौलाले बताइन् । ‘सेयरमा बस्ने कुरा चाहिं पक्का हो । तर कति दिने भन्ने बारे चाहिं टिममा छलफल हुँदैछ’, निर्देशक निरौलाले भनिन् ।
दशैं रिलिजको ‘छक्का पञ्जा ३’ को छायाँकन बैशाख देखि सुरु हुनेछ । निर्माण टिम यतिबेला स्क्रिप्ट लेखनको कार्यमा व्यस्त । फिल्ममा को को कलाकार रहन्छन् ? त्यो भने तय भैसकेको छैन ।
