३ सातामै ‘शत्रु गते’ को ‘रुपै मोहनी’ लाई ५० लाख
फिल्म ‘शत्रु गते’ को गीत ‘रुपै मोहनी’ लाई युट्युवमा पचास लाख बढी दर्शकले हेरेका छन् । अपलोड गरिएका एक महिना नपुग्दै यो लोक लयको गीतलाई यति धेरै पटक हेरिएको हो । भिडियो हेर्नुस् :
टंक बुढाथोकीको संगीत रहेको गीतमा लोकराज अधिकारीको शब्द छ भने स्वरमा टंकलाई मिना निरौलाले साथ दिएकी छन् । कविराज कोरियोग्राफी रहेको गीतको भिडियोमा हरिवंश आचार्य, दीपकराज गिरी, दीपाश्री निरौला, पल शाह, आँचल शर्मा, प्रियंका कार्की जस्ता अग्रज तथा अहिलेका स्टार कलाकारहरुले नाचेका छन् ।
मह सञ्चार र कलाकार किरण केसीको संयुक्त निर्माण रहेको ‘शत्रु गते’ लाई प्रदीप भट्राईले निर्देशन गरेका हुन् । छायाँकन दिर्घ गुरुङले गरेका हुन् । फिल्म चैत ९ गतेदेखि प्रदर्शनमा आउँदैछ ।
