‘शेर बहादुर’ पोस्टरमा मेनुका अगाडी
अवकाश प्राप्त एक आर्मी को कथामा निर्माण भएको फिल्म ‘शेर बहादुर’को पोष्टर सार्वजनिक गरिएको छ । निडर, शन्की र बलियो पात्र शेर बहादुर फिल्मको मूख्य पात्र हो । शेर बहादुरको चरित्र सहित अन्य कलाकार समावेश पोष्टर पछिल्लो पटक सार्वजनिक गरिएको हो । ‘शेर बहादुर’ आफ्नो लक्ष्य प्राप्तीका लागि केही योजना बनाउँछन् । त्यहि योजना भित्र रुमलिएका अन्य पात्रसंगको अवस्था फिल्मको पोष्टरले चित्रण गरेको छ ।
फिलमको शिर्ष पात्र वरिष्ठ कलाकार सुनिल थापा, कर्म, रविन्द्र झा, मेनुका प्रधान पोष्टरमा अटिएका छन् । एक्सन, रोमान्स, ड्रामा समावेश फिल्म प्रति निर्माण पक्ष अपेक्षित छन् । फिल्म आउँदो माघ १९ बाट देशैभर प्रदर्शन हुदैछ । फिल्मका निर्देशक आर राजवंशि हुन् भने निर्माताका रुपमा बरिष्ठ छायांकार गौरीशंकर धुजु र धिराज राजवंशी रहेका छन् । गौरीशंकर धुजु नेपाली फिल्म क्षेत्रमा ४० बर्षदेखी अनवरत रुपमा लाग्दै आईरहेका छन् ।
फिल्ममा कोशिश क्षेत्रीको संगीत, बसन्त श्रेष्ठको नृत्य, दिर्घ गुरुङ र नारायण जिसीको छायांकन तथा निमेश श्रेष्ठको सम्पादन रहेको छ । फिल्मलाई प्रमोढ क्षेत्रीले लेखेका हुन् ।
