यस्तो छ ‘कोहलपुर एक्सप्रेस’ को ‘सिओ डब्ल्यु काउ’
फिल्म कोहलपुर एक्सप्रेस को ‘सिओ डब्ल्यु काउ’ को भिडियो रिलिज गरिएको छ । बसन्त पञ्चमी अर्थात सरस्वती पूजाको अवसरमा राजनराज सिवाकोटीको संगीत, शब्द तथा स्वर रहेको लोक लयको गीत सार्वजनिक गरिएको हो । स्वरमा सिवाकोटीलाई मेलिना राईले साथ दिएकी छ् । भिडियो हेर्नुस् :
गम्भीर विष्टको कोरियोग्राफी रहेको भिडियोमा नायिका रिमा विश्वकर्मा, केकी अधिकारी र गम्भिर स्वयमले कम्मर मर्काएका छन् । विशाल भण्डारी निर्देशित फिल्ममा प्रियंका कार्की, केकी अधिकारी, ऋचा शर्मा, बुद्दी तामाङ, रविन्द्र झा, विनोद न्यौपाने, कुशाग्र भट्टराई लगायतका कलाकारको अभिनय छ । पोस्ट प्रोडक्सनमा रहेको फिल्मलाई आगामी बैशाख महिनामा प्रदर्शनमा ल्याईने निर्माण टिमको योजना छ । नायिका केकी अधिकारी, भद्र बहादुर शाही, देवी लाल न्यौपाने र शिव प्रसाद चौंलागाईंले मिलेर निर्माण गरेका हुन् ।
