सुदर्शन र पूजाले फिल्मको नाम राखे ‘रामकहानी’
निर्देशक सुदर्शन थापा र नायिका पूजा शर्माले निर्माण गर्ने फिल्मको नाम तय गरिएको छ । निर्देशक थापाले सामाजिक सञ्जाल फेसबुक मार्फत फिल्मको नाम ‘रामकहानी’ राखिएको खुलाएका हुन् ।
कमेडी लभ स्टोरी जनराको ‘रामकहानी’ मा नायिका पूजा शर्मा, केदार घिमिरे माग्ने बुढा, जितु नेपाल, विल्सन विक्रम राई, रविन्द्र झाको मुख्य भूमिका रहनेछ । फिल्मको लागि नायक भने तय हुंन बाँकी छ । यतिबेला फिल्म युनिट स्क्रिप्टमा बसिरहेको छ ।
‘राम कहानी’को छायाँकन माघको अन्त्यदेखि सुरु हुनेछ । यो फिल्मको लागि केदारले दश लाख र जितुले सात लाख पारिश्रमिक लिएका छन् । जसको निकै चर्चा भएको थियो ।
