शिल्पा पोखरेल सिक्स प्याक बनाउँदै
पछिल्लो समय कलाकारहरु फिल्ममा निभाउने भूमिकाप्रति सजग देखिदै गैरहेका छन् । स्क्रिप्टमा कल्पना गरिएको पात्रलाई पर्दामा दुरुस्त उतार्न उनीहरु हदैसम्म मिहेनत गर्न थालेका छन् । यस्तैमा नायिका शिल्पा पोखरेल पनि नयाँ फिल्मको लागि दह्रो अभ्यासमा उत्रिएकी छिन् ।
छविराज प्रोडक्सनले निर्माण गर्ने नयाँ फिल्ममा शिल्पा सिक्स प्याकमा प्रस्तुत हुँदैछिन् । यसैले उनी प्रत्येक दिन जिमखाना धाउँछिन् अनि पसिना बगाउँछिन् । ‘भर्खर एक महिना मात्रै भयो जिम जान थालेको, शिल्पाले सुनाइन्, अझै चार केजी घटाउनु छ । प्याक त कहिले निस्किन्छ थाहै छैन ।’ शिल्पा, पुष्प र पृथ्वीराज प्रसाईंसँग गरिएको रमाईलो कुराकानी हेर्नुस् :
शिल्पाले अभिनय गरेको पछिल्लो फिल्म ‘मंगलम’ फागुन २५ गतेदेखि प्रदर्शनमा आउँदैछ । छविराज ब्यानरमै निर्माण भएको फिल्ममा शिल्पा र नायक पुष्प खड्का मुख्य जोडीको रुपमा प्रस्तुत भएका छन् ।
