‘शत्रु गते’ को स्वराङ्कन अन्तिम चरणमा
मल्टीस्टारर फिल्म ‘शत्रु गते’ को डबिङ कार्य अन्तिम चरणमा पुगेको छ । वरिष्ठ कलाकार मदनकृष्ण श्रेष्ठ, किरण केसी, दीपाश्री निरौलाले आफ्नो डव सकाएका छन् । उनीहरुपछि आँचल शर्मा, प्रियंका कार्की , शिव हरि पौडेल र दीपकराज गिरीले डव गर्नेछन् ।
चैत ९ गतेदेखि प्रदर्शनमा आउने ‘शत्रु गते’ को ‘रुपै मोहनी’ गीत हिट भैसकेको छ । हरिवंश आचार्यको कथा, दीपकराज गिरी र प्रदीप भट्टराईको पटकथा, हरिवंश आचार्य र प्रदीप भट्टराईको संवाद रहेको फिल्मका कार्यकारी निर्माता किरण केसी हुन् । यस्तै रमिला आचार्य, यशोदा सुवेदी, नरेन्द्र कंसाकार, दीपकराज गिरी, दीपाश्री निरौला र शिवहरी पौडेल फिल्मका निर्माता हुन् ।
फिल्ममा मदनकृष्ण श्रेष्ठ, हरिवंश आचार्य, दीपकराज गिरी, दीपाश्री निरौला, शिवहरी पौडेल, प्रियंका कार्की, राजाराम पौडेलसंगै पल शाह र आँचल शर्माको जोडीलाइ पनि दर्शकले देख्न पाउनेछन् । फिल्ममा दीर्घ गुरुङको छायांकन, कविराज गहतराजको नृत्य र राजनराज सिवाकोटीको गीत तथा संगीत सुन्न सकिनेछ । फिल्मलाई मह सञ्चारको ब्यनारमा निर्माण गरिएको हो ।
