ट्रेन्डिङ नम्वर १ मा ‘कोहलपुर एक्सप्रेस’को ‘काउ सङ्ग’
एक साता अघि अपलोड गरिएको फिल्म ‘कोहलपुर एक्सप्रेस’ को ‘सिओडब्लु काउ’ गीत युट्युव ट्रेन्डिङ नम्वर एकमा पुनः पर्न आएको छ । राजनराज सिवाकोटीको स्वर, शब्द तथा संगीत रहेको यो गीत १४ लाख बढी भ्युज कमाउँदै ट्रेन्डिङको पहिलो नम्वरमा फेरी आएको हो । भिडियो हेर्नुस् :
गीतमा राजनलाई मेलिना राईले साथ दिएकी छन् । रिमा विश्वकर्मा र केकी अधिकारीले कम्मर मर्काएको भिडियोलाई गम्भिर विष्टले कोरियोग्राफी गरेका हुन् । गम्भिर आफैं र कलाकार विनोद न्यौपानेले भिडियोमा नाचेका छन् ।
विशाल भण्डारीको डेव्यु निर्देशन रहेको कोलपुर एक्सप्रेस मा केकी सहित, प्रियंका कार्की, ऋचा शर्मा, विनोद न्यौपाने लगायत कलाकारहरुको अभिनय रहेको छ । फिल्म निर्माणमा केकीलाई भद्र बहादुर शाही, देवीलाल न्यौपाने र शिव प्रसाद न्यौपानेले साथ दिएका छन् ।
