प्रदीप र प्रियंकाको ‘लिलिबिली’ चैत ३० मै
प्रदीप खड्का र प्रियंका कार्की स्टारर फिल्म ‘लिलिबिली’ अन्ततः आउँदो नेपाली नयाँ वर्षकै अवसरमा प्रदर्शन हुने भएको छ । बलिउडको बहुप्रतिक्षित फिल्म २.० ले उक्त मितिमा आफ्नो रिलिज स्थगन गरेपछि प्रदीपको चौथो फिल्म चैत ३० मा लाग्ने भएको हो ।
‘लिलिबिलीलाई चैत ३० रिलिज गर्ने निर्णय गरेका छौं’, निर्देशक मिलन चाम्सले भने, ‘यही मितिलाई ध्यानमा राखेर काम भैरहेको छ ।’ लभ स्टोरी फिल्म ‘लिलिबिली’ मा प्रदीपसँगै नायिका प्रियंका कार्की र नव नायिका जसिता गुरुंगको मुख्य भूमिका रहेको छ । गीत हेर्नुस् :
गोविन्द शाही र सुदीप खड्काको संयुक्त लगानी रहेको लिलिबिली को सम्पूर्ण छायाँकन युरोपमा गरिएको हो । फिल्मको ‘इज इट लभ’ बोलको गीत सार्वजनिक भैसकेको छ ।
