सलोन र साराको ‘सुश्री सम्पत्ति’ फागुन १५ देखि सुरु
नायक सलोल बस्नेत र नायिका सारा शिर्पाइलीको मुख्य भूमिकामा बन्न लागेको फिल्म ‘सुश्री सम्पत्ति’ को आइतबार प्रेसमिट गर्दै औपचारिक निर्माणको घोषणा गरिएको छ । फागुन १५ गतेदेखि फिल्मको छायाँकन सुरु हुने प्रेसमिटमा जानकारी गराइयो ।
सञ्चारकर्मी सुव्रत आचार्यको निर्देशन रहने फिल्म सुश्री सम्पत्ति लाई निर्माता रमेश त्वायनाले निर्माण गर्दैछन् । फिल्मको सबैजसो सुटिंग पोखरामा हुने निर्माता त्वायनाले जानकारी दिए । केही सिन मात्रै भत्तपुरतिर हुन्छ, यसअघि आधी बाटो फिल्म निर्माण गरेका निर्माता त्वायनाले भने, सबै मिलेर फिल्मलाई ब्लकबस्टर बनाउँनु पर्छ ।
निर्देशक आचार्यकै कथा रहेको सुश्री सम्पत्ति मा नायिका प्रियंका कार्की विशेष भूमिकामा प्रस्तुत हुँदैछिन् । विनोद न्यौपाने, प्रमोद अग्रहरी, राजाराम पौडेल, जयनन्द लामा, विशारत बस्नेत, सुनिता श्रेष्ठ ठाकुर, प्रेमबर्षा खड्का, रोशनी केसी, रञ्जित कोइराला, विनोद पौडेल र सन्तोष खनाल लगायत कलाकारले फिल्ममा अभिनय गर्दैछन् ।
सुरेश अधिकारीको संगीत, कविराज गहतराजको कोरियोग्राफी रहने फिल्म अर्जुन तिवारी एण्ड टिमले खिच्नेछ ।
