स्कटल्याण्डमा रोमान्टिक अनमोल-अदीति

यही शुक्रबार, माघ २६ गतेदेखि प्रदर्शनमा आउने बहुप्रतिक्षित फिल्म ‘कृ’ को रोमान्टिक गीतको भिडियो स्कटल्याण्डमा छायाँकन गरिएको छ । अनमोल केसी र अदीति बुढाथोकी फिचरिंग ‘मैले जानी नजानी’ बोलको गीतको छायाँकन तीन दिन लगाएर खिचिएको हो । फिल्म युनिट गत साता त्यसतर्फ गएको थियो ।

विशेष पाण्डेको संगीत रहेको गीतमा रोदित भण्डारीको स्वर तथा शब्द रहेको छ । कोरियोग्राफी विक्रम लामा र एन्जिलिना खत्रीले कोरियोग्राफी गरेका हुन् । भिडियो सोमबार रिलिज हुँदैछ । गीतको भिडियो रिलिजपुर्व स्कटल्यान्डका केही तस्बिरहरु रिलिज भएका छन् । जहाँ अनमोल र अदीतिलाई रोमान्टिक मुद्रामा देख्न सकिन्छ ।

सुवास इन्टरटेन्मेन्टको ब्यानरमा द सपर काजोल फिल्मस्को प्रस्तुती रहेको कृ लाई सुरेन्द्र पौडेलले निर्देशन गरेका हुन् । सिनेम्याटोग्राफी पुरुषोत्तम प्रधानको छ । फिल्ममा सुवास गिरी र भुवन केसीको संयुत्त लगानी छ । कमल गिरी कार्यकारी निर्माता रहेको फिल्मका सह–निर्माता श्री पराजुली हुन् ।

अनमोल र अदिती सँगै कृ मा अनुपविक्रम शाही, कामेश्वर चौरासिया, सरोज खनाल, लक्ष्मी गिरी, रुपा राना लगायतका कलाकारको मुख्य भूमिका छ ।