साम्राज्ञीको टाटु खोप्ने आर्टिस्टले माफी मागे
नायिका साम्राज्ञीराज्य लक्ष्मी शाहले फिलिपिन्समा खोपाएको टाटुले हंगमा मच्यायो । दायाँ तर्फको वक्षस्थल मुनि टाटु खोपाएको तस्बिर सार्वजनिक भएसँगै साम्राज्ञी आलोचनाको पात्र बनेकी थिइन् । तर साम्राज्ञी आफैंले भने तस्बिर लिक गरेकी थिइनन्, टाटु आर्टिस्टले नै उक्त तस्बिर सार्वजनिक गरेका थिए ।
अन्ततः साम्राज्ञीको उक्त तस्बिर लिक गर्ने टाटु आर्टिस्टले माफी मागेका छन् । ती टाटु आर्टिस्टले लेखेका छन्, ‘मैंले बिना अनुमती साम्राज्ञीको फोटो अपलोड गरें । साम्राज्ञीको शुभ चिन्तकसँग माफी माग्न चाहान्छु । कृपया उनलाई साथ दिनुहोला ।’ उनले साम्राज्ञीसँग पनि माफी मागेका छन् ।
