अब बैशाख ७ मा ऋचाको ‘सुपर गोर्खे’
फिल्म ‘सुपर गोर्खे’ अब आउँदो वर्षको बैशाख ७ गतेदेखि अल नेपाल प्रदर्शनमा आउने भएको छ । प्राविधिक कारणले गर्दा फिल्मको यस वर्षको प्रदर्शन मिति तोकिएको थियो । ०७५ को बैशाख ७ गते भने फिल्मको अन्तिम प्रदर्शन मिति रहेको नायिका तथा निर्मात्री ऋचा सिंह ठकुरीले बताइन् ।
नेपालसँगै अष्ट्रेलियामा पनि सुपर गोर्खे लाग्ने मिति तय भएको ऋचाले बताइन् । त्यहाँ रहेका नेपाली माझ अप्रिल ८ तारिखमा फिल्मलाई देखाइने ऋचाको भनाई छ । अविर हाउस प्रोडक्सन प्रा.लिको प्रस्तुती रहेको सुपर गोर्खे लाई राज थापाले निर्देशन गरेका हुन् । फिल्ममा ऋचा सहित सुरजसिंह ठकुरी, निराजन लुईंटेल, भुपेन्द्र खत्री लगायत कलाकारहरुको अभिनय रहेको छ ।
किरण माइकलको लेखन, राज थापाको कथा रहेको ‘सुपर गोर्खे’ लाई सौरभ लामाले खिचेका हुन् । चन्द्र पन्तको द्धन्द्ध निर्देशन तथा तारा प्रकाश लिम्बु र फिलिप जोनको संगीत छ ।
