एक्सन जनराको ‘जाइरा’ मा नम्रता र अनुपको जोडी
फागुनको तेश्रो सातादेखि छायाँकन सुरु गर्ने गरी फिल्म ‘जाइरा’ निर्माणको घोषणा गरिएको छ । ट्रेन्डसिटर्स प्रा.लि.ले बनाउने लागेको फिल्मलाई आशुतोषराज श्रेष्ठले निर्देशन गर्नेछन् । उनको यो डेव्यु निर्देशकिय फिल्म हो ।
एक्सन जनराको फिल्म ‘जाइरा’ मा नायिका नम्रता श्रेष्ठ, नायक अनुपविक्रम शाही, रेमनदास श्रेष्ठ, कलाकारहरु प्रमोद अग्रहरी, सृजना रेग्मी, संगीता नापित र सम्राट मगरको मुख्य भूमिका रहनेछ । फिल्मको लागि यतिबेला टिम प्रि प्रोडक्सनको अन्तिम अवस्थामा छ भने नायिका श्रेष्ठले फाइट समेत सिकिरहेकी छन् ।
बाबु सुरेश श्रेष्ठको सिनेम्याटोग्राफी रहने ‘जाइरा’ मा सम्राट बस्नेतको द्धन्द्ध निर्देशन रहनेछ । फिल्ममा प्रशन्न गोपाली प्रमुख कार्यकारी निर्माताको रुपमा रहेका छन् ।
