‘चि मुसी चि’ बाट सुनिल र अलिशाको डेव्यु
डान्स ईन्डिया डान्स जस्तो चर्चित रियालिटी शोमा सहभागी भई नेपालमा नेपाली ठिटो नामक डान्स समुह खोलेका सुनिल क्षेत्री फिल्मका नायक भएका छन् । सिल्भर लेक पिक्चरको प्रस्तुतीमा श्रीप्सन मुभिजसँगको सहकार्य बन्ने फिल्म ‘चि मुसी चि’ मा नव नायिकाको रुपमा अलिशा शर्मा छिन् । अलिशा पनि कुशल नृत्यांगना हुन् ।
‘चि मुसी चि’ लाई यसअघि फिल्म ‘सकुन्तला’ निर्देशन गरेका दिनेश श्रेष्ठले निर्देशन गर्नेछन् । उनले फिल्म म्युजिकल थ्रिल हुने बताए । फिल्ममा सुनिल र अलिशासँगै कमली वाइवा, सुशान्त कार्की, सुशान्त बस्याल, शिवराज कार्की र रश्मी भट्टको अभिनय रहनेछ । महेश्वर खत्री र सुवास भुर्तेलको संयुत्त लगानी रहेको चि मुसी चि मा शिवराज कार्की कार्यकारी निर्माता, अरुण गुरुङ र अनिल श्रेष्ठ सह निर्माताको रुपमा रहेको छ ।
शब्द तथा संगीत सुरज अधिकारीको छ । कोरियोग्राफी सुनिल र बिक्रम स्वाँरले गर्नेछन् । फिल्ममा बासु न्यौपानेको छायाँकन र द्धन्द्ध निर्देशन अष्ट महर्जनको रहनेछ । काठमाण्डौं, पोखरा र ईलामलाई छायाँकन स्थालको रुपमा रोजिएको छ ।
