राजेन्द्र खड्गी विरुद्ध मानव तस्करीको आरोप
द्वन्द्व निर्देशक राजेन्द्र खड्गीमाथि मानव तस्करीको अभियोगमा नेपाल प्रहरीको केन्द्रीय अनुसन्धान ब्युरो (सिआइबी) ले अनुसन्धान सुरु गरेको छ । बिहिबारको ‘नयाँ पत्रिका दैनिक’ मा यो खबर छापिएको छ ।
पत्रिकामा द्धन्द्ध निर्देशन खड्गीले दक्षिण कोरियाको कार्यक्रममा सहभागी गराउने भन्दै मोटो रकम लिएर विभिन्न व्यक्तिलाई लैजाने गरेको उल्लेख छ । प्रहरीका अनुसार उनले १५ भन्दा बढी व्यक्तिसँग रकम असुलेर कोरियामा लुकाएका छन् । उनीविरुद्ध उजुरी परेपछि अनुसन्धान सुरु गरिएको प्रहरी स्रोतले बतायो । ‘निर्देशक खड्गीविरुद्ध अनुसन्धान हुँदैछ । वास्तविकता अनुसन्धानपछि खुल्नेछ,’ स्रोतको भनाई छ ।
