‘कृ’ को टिकट काट्नु भो !, बुकिङ खुला छ
युवा स्टार अनमोल केसी स्टारर फिल्म ‘कृ’ ले राजधानीका क्युएफएक्स अन्र्तगतका मल्टिप्लेक्स हलहरुमा शुक्रबार १८ वटा शोज पाएको छ । हिन्दी फिल्म ‘प्याडम्यानसँग’ शोज विभाजन गर्नुपर्दा अनमोलको फिल्म सार्वधिक शोज पाउनबाट वञ्चित भएको हो । यद्पी ‘कृ’ ले पाएको यो शोज संख्या उच्च हो । बुकिङ बुधबारबाटै खुला गरिएको छ ।
सुवास गिरी र भुवन केसीको संयुक्त लगानीमा निर्माण भएको ‘कृ’ देशका हरेक हलहरुमा लाग्नेछ । यस वर्षको बहुप्रतिक्षित फिल्म ‘कृ’ को सेन्सर पास बुधबार नै गरिएको छ । सेन्सर सदस्यले पिजी प्रमाण पत्र उपलब्ध गराएका छन् । द्धन्द्धका दृश्यका कारण ‘कृ’ लाई १६ वर्ष भन्दा कम उमेरका दर्शकले अभिभावकको साथमा हेर्नु पर्नेछ । अनमोल र अदीतिसँग गरिएको रमाईलो कुराकानी हेर्नुस् :
सुरेन्द्र पौडेल निर्देशित ‘कृ’ मा अनमोलसँगै नायिका अदीति बुढाथोकी र अभिनेता अनपविक्रम शाही मुख्य भूमिकामा प्रस्तुत भएका छन् । ‘गाजलु’ पछि दर्शकमाझ आउन लागेका अनमोलको यो फिल्म निकै प्रतिक्षामा छ ।
