स्वस्तिमा भन्छिन्, ‘पारिश्रमिक सार्वजनिक गर्दिंन’
पछिल्लो समय कलाकारको पारिश्रमिकलाई लिएर निकै चर्चा हुने गरेको छ । युवा पुस्ता माझ चर्चामा रहन सफल नायिका स्वस्तिमा खड्काको भने अहिलेसम्म फिल्म खेलेको पारिश्रमिक सार्वजनिक भएको छैन र चर्चा पनि छैन । व्यस्त हुँदै गएकी स्वस्तिमाको पारिश्रमिक कति हो त ? यो भिडियो हेर्नुस् :
‘यो त फिल्ममा आफ्नो भूमिका अनुसार भर पर्छ नि’, स्वस्तिमा भन्छिन्, ‘तर जति भएपनि म आफ्नो पारिश्रमिक चाहिं सार्वजनिक गर्दिंन । २० लाख पाएपनि मेरो पारिश्रमिक मिडियामा आउँदैन्।’ आफ्नो पारिश्रमिक कति भनेर पति निश्चल बस्नतेलाई समेत जानकारी नदिने स्वस्तिमाले बताइन् । ब्लकबस्टर फिल्म ‘छक्का पञ्जा २’ पछि स्वस्तिमाको व्यस्तता बढ्दो छ । अझ ‘दुई रुपैयाँ’ को ‘कुटुमा कुटु’ गीत सुपरहिट भएपछि त स्टेज कार्यक्रममा पनि स्वस्तिमाको डिमान्ड बढ्दो छ ।
अशोक शर्माको ‘जय भोले’ मा अनुबन्धित भएकी स्वस्तिमा ‘दुई रुपैयाँ’ को सिक्वेलमा पनि दोहोरिने चर्चा छ । तर उनले भने यस बारेमा फिल्म निर्माण टिमसँग कुनै कुरा नभएको दाबी गरेकी छन् ।
