‘गाँजा बाजा’ प्रोमोमा कुलतमा फसेका युवाको कथा
कुलतमा फसेका युवा पुस्ताको कथामा बनेको फिल्म ‘गाँजा बाजा’ को प्रोमो सार्वजनिक गरिएको छ । युवा कलाकारहरुको अभिनय रहेको फिल्म फागुन २५ गतेदेखि प्रदर्शनमा आउँदैछ । गणेशदेव पाण्डे निर्देशित फिल्मको ट्रेलर हेर्नुस् :
‘गाँजा बाजा’ मा अनुपम शर्मा, सुशिल सिटौला, बर्षा सिवाकोटी, रविन थापा, उद्धव राज भट्टराई, अम्वर सुवेदी, गोपाल अर्याल, रक्षा श्रेष्ठ, कुविर सुब्बा, रन्धिर शाह, सुस्मा पाख्रिन, प्रकाश भूजेल, राजु थापा, श्याम भण्डारी, देवकुमार श्रेष्ठ, अंकित भण्डारी, जीवन भट्टराई लगायत कलाकारहरुको अभिनय रहेको छ ।
निर्देशक पाण्डेकै लेखन रहेको फिल्मलाई गोमा विष्टले निर्माण गरेकी हुन् । नामकै ‘गाँजा बाजा’ लाई चलचित्र विकास वोर्डले प्रदर्शनमा रोक लगाएको थियो । उक्त रोक्का फुक्का भएपछि निर्माण युनिट फिल्म प्रदर्शन गर्न तयार भएको हो ।
