‘रानी महल’ बाट बर्षा र प्रशान्तले हात झिके
अभिनेता प्रशान्त ताम्रकार र नायिका बर्षा सिवाकोटीले फिल्म ‘रानी महल’ बाट हात झिकेका छन् । फिल्मको छायाँकनमा ढिलाइ भएपछि उनीहरुले फिल्मबाट हात झिकेका हुन् ।
‘मैंले असारमै फिल्म गर्छु भनेर साइन गरेको थिएँ’, बर्षाले भनिन्, ‘अब फागुनमा पनि सुटिङ सुरु नहुने भएपछि कति कुर्नु भनेर एडभान्स फिर्ता दिएँ र टिमलाई फिल्म नखेल्ने बताए ।’ यता अभिनेता ताम्रकारले पनि आफ्नो समय नमिल्ने भएर रानी महल छोडेको बताए । स्क्रिप्टमै अल्झिएको रानी मलहको छायाँकन कहिलेबाट सुरु गर्ने भन्ने विषयमा निर्माण पक्ष अन्यौलमा रहेको देखिन्छ ।
हिमाल सुरेश न्यौपानको डेव्य निर्देशन रहने ‘रानी महल’को गएको केही साता अगाडी मात्रै होटल अन्नपूर्णमा भव्य कार्यक्रम गरेर औपचारिक घोषणा गरिएको थियो । सुरुमा यो फिल्ममा नायक प्रदीप खड्का खेल्ने चर्चा थियो ।
