केकी-विनोद ‘कोहलपुर एक्सप्रेस’मा ‘मनसँग मन साट्दै’
फिल्म ‘कोहलपुर एक्सप्रेस’ को ‘काउ सङ्ग’पछि दोश्रो रोमान्टिक गीतको भिडियो रिलिज भएको छ । अर्जुन पोखरेलको शब्द तथा संगीत रहेको ‘अब मनसँग मन’ बोलको गीतमा अञ्जु पन्त र सुगम पोखरेलले स्वर दिएका छन् । गम्भिर विष्टको कोरियोग्राफी रहेको गीतमाा नायिका केकी अधिकारी र नायक विनोद न्यौपाने प्रस्तुत छ । नेपाल भित्रिका सुन्दर दृश्यमा छायाँकन गरिएको गीतको भिडियो हेर्नुस् :
विशाल भण्डरी निर्देशित फिल्म कोहलपुर एक्सप्रेसको बैशाख १४ लाई प्रदर्शन मिति तोकिएको छ । केकी अधिकारीको प्रस्तुती रहेको फिल्ममा भद्रबहादुर शाही, देवीलाल न्यौपाने र शिव प्रसाद चौलागाईं निर्माताको रुपमा रहेका छन् । निर्देशक भण्डारीकै लेखन रहेको कोहलपुर एक्सप्रेसलाई अर्जुन तिवारीले खिचेका हुन् ।
कमेडी फिल्म कोहलपुर एक्सप्रेस मा केकी र विनोदसँगै नायिका प्रियंका कार्की, ऋचा शर्मा, कलाकारहरु बुद्धि तामाङ लगायत कलाकारहरुको अभिनय छ । केकी पहिलो पटक निर्मात्रीको रुपमा आएकी हुन् ।
