स्व.श्रीकृष्णको परिवारले हेरे श्वेताको ‘कान्छी’
स्व.अभिनेता श्रीकृष्ण श्रेष्ठको परिवार तथा आफन्तले श्वेता खड्काले बनाएको फिल्म ‘कान्छी’ शुक्रबार नै हेरेका छन् । स्व.श्रीकृष्णको परिवार तथा आफन्तको लागि श्वेताले प्रदर्शनको पहिलो दिन शुक्रबार विशेष शो राखेकी थिइन् ।
कमलपोखरीस्थित बिग मुभिजमा करिब पचास जना स्व.श्रीकृष्णका परिवार तथा आफन्त ‘कान्छी’ हेर्न उपस्थित थिए । उनीहरुले फिल्म मन परेको प्रतिक्रिया दिए । ‘श्रीकृष्णलाई धेरै सम्झियौं । श्वेताले राम्रो फिल्म बनाएको रैछ’, स्व.श्रीकृष्णका एक आफन्तले भनिन् । यता ‘कोहिनूर’पछि दर्शकमाझ आएकी श्वेता फिल्म हेरेर निस्किएपछि निकै भावविहल भइन । ‘फिल्म हेर्दा शिव सर र श्री दादालाई निकै मिस गरें’, रुदै श्वेताले भनिन् । विशेष शोको भिडियो हेर्नुस् :
‘मैंले दिन खोजेको कुरा दर्शकले बुझ्नु भएको छ’, निर्देशक अधिकारीले भने, ‘दर्शक प्रतिक्रियाबाट हामी निकै खुसी छौं ।’ ‘कान्छी’ हेर्दा स्व.श्रीकृष्णलाई निकै मिस गर्ने समेत निर्देशक अधिकारीले बताए । अभिनेता दयाहाङ राईले फिल्मलाई दर्शकले साथ दिने आशा राखे ।
पारिवारिक प्रेम कथामा बनेको ‘कान्छी’मा श्वेता र दयासँगै कामेश्वर चौरसिया, अनु शाह, अशान्त शर्मा, विनोद न्यौपाने, प्रज्वल सुजल गिरी लगायत कलाकारहरुको अभिनय छ । पुरुषोत्तम प्रधानको छायाँकन रहेको फिल्ममा राजनराज सिवाकोटी, अर्जुन पोखरेल र बसन्त सापकोटाको संगीत छ । फिल्मको स्क्रिप्ट याम थापाले लेखेका हुन् ।
।
