सरोजसँग डिस्कोमा धमला पत्नी, रिलिज भयो भिडियो
ऋषि धमला पत्नी एलिजा गौतमको निर्माण तथा अभिनय रहेको फिल्म ‘अनुराग’ को पहिलो गीत रिलिज भएका छ । ‘कान्छा दाई गाना बजाईदेउ‘ बोलको क्लब संगमा एलिजा गौतम र कार्टुन क्रुजका सरोज अधिकारी फिचरिङ छन् । विक्रम स्वारको कोरियोग्राफी रहेको भिडियो यस्तो बनेको छ :
गीतमा ताराप्रकाश लिम्बु संगीत तथा शब्द र ममता गुरुङको स्वर छ । ऋषिराज धमला प्रस्तुतकर्ता रहेको ‘अनुराग’ का निर्माता भरत गौतम र गीता भेटवाल हुन् । किरण दाहालको कथा रहको सिनेमामा सत्यराजरआगत केसीको पटकथा र संवाद, रामकुमार केसीको छायाँकन र भूपेन्द्र अधिकारीको सम्पादन छ । गीतसँगै ‘अनुराग’ को ११ गते लाई प्रदर्शन मिति तोकिएको छ ।
फिल्ममा एलिजाका अलावा समुन्द्र पण्डित, ठिलेंन लामा, सरोज खनाल, रुपा राना, राजाराम पौडेल, शिशिर राना, मोहोन निरौला, विश्व बस्नेत लगायत कलाकारको अभिनय छ । अनुराग विशेषतः ऋषि धमला पत्नीको संलग्नताका कारण चर्चामा छ ।
