‘रणवीर’मा सुशिल र शुभेच्छाको जोडी
शिक्षित युवाले समाजमा गर्ने संघर्षको कथालाई लिएर फिल्म ‘रणवीर’ बन्ने भएको छ । गोविन्दसिंह भण्डारीको लेखन तथा निर्देशन रहने फिल्ममा नायक सुशिल सिटौल शिर्ष भूमिकामा प्रस्तुत हुनेछन् । यही सातादेखि राजधानीबाट छायाँकन सुरु हुने रणवीर को आइतबार प्रेसमिट गर्दै निर्माणको औपचारिक घोषणा गरियो ।
गोमा विष्ट थापा र दिपेन्द्र रेग्मीको संयुक्त लगानी रहेको ‘रणविर’ मा सुशिलसँगै फिल्ममा शुभेच्छा खड्का र सुपुष्पा भट्ट फिल्ममा सकारात्मक भूमिकामा प्रस्तुत हुनेछन् । यस्तै टिका पहारी, प्रशान्त ताम्रकार, रवि गिरी र नरेश पौड्याल फिल्ममा नकारात्मक भूमिकामा प्रस्तुत हुनेछन् । हरिहर शर्मा, भोलाराज सापकोटा, जीवन भट्टराई, जगदिश रिजाल, बसन्ती भट्ट शैलेश्वरी सिंह फिल्ममा सहायक पात्रको रुपमा प्रस्तुत हुनेछन् ।
महेश पौडेलको छायाँकन रहने फिल्ममा हर्कुलस बस्नेत, सुशान्त गौतम र अमित श्रेष्ठको संगीत रहनेछ । गम्भिर विष्ट र सुरेन बसेलले कोरियोग्राफी गर्नेछन् । फिल्मका द्धन्द्ध निर्देशक चन्द्र पन्त हुन् ।
