‘टप मोडल वर्ल्डवाईड २०१८’ हुँदै निशान चौहान
‘म्यानहन्ट नेपाल २०१६’ का मिस्टर पर्सनालिटी तथा ’टप मोडल नेपाल २०१८’ विजेता निशान चौहान लण्डनमा हुने ’टप मोडल वर्ल्डवाईड २०१८’ मा सहभागी हुने भएका छन् । सोमवार राजधानीमा प्रेसमिट गर्दै निशानले आफ्नो उक्त सहभागिताबारे जानकारी दिएका हुन् ।
आगामी अप्रिल ३ मा सम्पन्न हुने प्रतियोगीतामा निशान सहित ४० बढी प्रतियोगीको सहभागिता रहनेछ । एक नेपालीले लण्डनमा पुगेर संसारभरका मोडलहरुसँग आफुले प्रतिष्पर्धा गर्न पाउँदा निकै गर्व लागेको निशानले बताए । ’म नेपाली भएर लण्डनमा पुगेर संसारभरका मोडलसँग प्रतिस्पर्धा गर्न पाउँदा निकै खुशी र गर्व लागेको छ’ निशानले भने, ‘सबैको साथ र सहयोग भएको खण्डमा सहज हुनेछ ।’
पत्रकार सम्मेलनमा निशानले ’टप मोडल वर्ल्डवाईड २०१८’को उपाधी नेपाल ल्याउन आफुले शतप्रतिशत मेहनत गर्ने बताए । सन् २०१६ बाट मोडलिङ्ग सुरु गरेका २९ बर्षिय बिरगञ्ज, पर्सा निवासी निशान हाल राजधानीमा बसेर मोडलिङ्गलाई अगाडी बढाईरहेका छन् ।
