दयाहाङको ‘भैरे’ जेठ १८ देखि लाग्ने
अभिनेता दयाहाङ राई स्टारर फिल्म ‘भैरे’ को रिलिज मिति तय गरिएको छ । निर्देशक एभरेस्ट सुर्य बोहराले आउँदो सालको जेठ १८ लाई फिल्मको प्रदर्शन मिति तोकिएको बताए । यही फागुन १५ गते फिल्म पहिलो गीत सार्वजनिक गर्दै प्रचार प्रसार समेत सुरु गर्ने निर्देशक बोहोराले बताएका छन् ।
‘भैरे’ मा दयासँगै वर्षा सिवाकोटी, सुरक्षा पन्त, सुनिल थापा, बुद्दि तामाङ्ग, विक्रान्त बस्नेत, अर्जुन गुरुङ्, जान्हवी बोहरा, जयनन्द लामा, अनुभव रेग्मी, कञ्चन ठकुरी, सविता गुरुङ लगायतका कलाकारको पनि अभिनय छ । पुरुषोत्तम प्रधानले खिचेको फिल्ममा बसन्त सापकोटा, अर्जुन पोखरेल र यम बरालको संगीत रहेको छ भने प्रेम प्रसाद पौडेल र देविमाया अधिकारीको निर्माण छ ।
‘भैरे’ को कार्यकारी निर्माता लेख बहादुर पुन (डेनिम) हुन् भने यम बराल, रघु पुरी र करुणा कर घिमिरे सह निर्माता रहेका छन् । भैरेको लगानी मात्रै दुई करोड दाबी गरिएको छ ।
