एकै फिल्ममा चर्चित दुई प्रेम जोडी
फिल्म क्षेत्रका दुई चर्चित प्रेम जोडी एकै फिल्ममा देखिने भएका छन् । नायिका प्रियंका कार्की र नायक आयुष्मान देशराज तथा बर्षा राउत संजोग कोइरालाको जोडी ‘एउटा यस्तो प्रेम कहानी’ मा सँगै देखिने भएको हो।
अभिनेता शिव श्रेष्ठले बनाउने फिल्म ‘एउटा यस्तो प्रेम कहानी’ मा प्रियंका र आयुष्मानको यसै साता मात्रै इृन्ट्री भएको हो । उनीहरु रियल जस्तै रिलमा पनि प्रेम जोडीकै रुपमा प्रस्तुत हुनेछन् । दिपेश सापकोटाको निर्देशन रहने फिल्मको यही महिनाको अन्तिम साताबाट छायाँकन सुरु हुनेछ ।
नारी प्रधान फिल्ममा नरेन खड्का, किरण केसी लगायत कलाकारको पनि अभिनय रहेनछ । फिल्मको एक गीतमा राजेश हमालदेखि करिश्मा मानन्धरसम्मलाई देख्न पाइने चर्चा छ ।
