यस्तो तस्बिर राखेर ऋचालाई संचिताको शुभेच्छा
अमेरिकामा रहेकी अभिनेत्री ऋचा घिमिरेको बुधबार जन्मदिन परेको छ । उनलाई थुप्रैले सामाजिक सञ्जाल मार्फत जन्मदिनको शुभेच्छा दिइरहेका छन् । यस्तैमा अभिनेत्री संचिता लुईंटेलले पनि ऋचालाई शुभकामाना दिएकी छन् ।
तर संचिताले अलिक फरक किसिमले ऋचालाई जन्मदिनको शुभकामना दिएकी छन् । दुवै जना गर्भवती भएको तस्बिर राखेर संचिताले ऋचालाई जन्मदिनको शुभेच्छा व्यक्त गरेकी छन् । निर्देशक शंकर घिमिरेसँग बिहे गरेकी ऋचाको तीन र निखिल उप्रेतीसँग बिहे गरेकी संचिताको दुई सन्तान छन् ।
ऋचा र संचिताले ‘छोडी गए पाप लाग्ला’ लगायत फिल्ममा सँगै काम गरेका छन् । जे होस् पुरानो तस्बिर पोस्ट गर्दै जन्मदिन ‘विस’ गर्ने संचिताको तरिका चाहिं रमाईलो छ । जे भएपनि ऋचालाई जन्मदिनको शुभकामना !
