स्वप्न सुमनले गाए ‘ईन्टु मिन्टु लण्डन’मा को ‘थाहै भएन’
चर्चित कोरियोग्रारफर रेनशा वान्तवा राईको डेव्यु निर्देशन रहेको फिल्म ‘ईन्टु मिन्टु लण्डन’मा को अफिसियल लिरिकल भिडियो रिलिज गरिएको छ । ‘थाहै भएन’ बोलको गीतमा युवा पुस्तामाझ चर्चित गायक स्वप्न सुमनको स्वर, संगीत तथा शब्द छ । लिरिकल भिडियो हेर्नुस् :
लिरिकल भिडियोमा प्रयोग भएका तस्बिरहरुमा नायिका साम्राज्ञीराज्य लक्ष्मी शाह र नव नायक धिरज मगरको केमेस्ट्री निकै जमेको देखिन्छ । फिल्ममा साम्राज्ञी र धिरजसँगै नायक शरुक ताम्रकारको पनि मुख्य भूमिका छ । लण्डनको रमणिय लोकेशनमा खिचिएको ‘ईन्टु मिन्टु लण्डन’ को ३० प्रतिशित छायाँकन बाँकी छ । फिल्मलाई शैलन्द्र डि कार्कीले खिचेका छन् ।
यसअघि ‘मेरो एउटा साथी छ’ जस्तो फिल्म निर्माण गरेका प्रभु शम्शेर राणाले ‘इन्टु मिन्टु लण्डन’मा लगानी गरेका छन् । निर्माताको रुपमा छोरा प्रज्वल शम्शेर राणा पनि छन् भने सह निर्माताको रुपमा सुलेखा राई, बसन्त तामाङ र सुस्मिता जिरेल छन् । फिल्मको प्रदर्शन मिति भने तय हुन बाँकी छ ।
