शिल्पा र पुष्प लिएर छविराज ‘मंगलम’ प्रचारमा
यही फागुन २५ गतेदेखि प्रदर्शनमा आउने फिल्म ‘मंगलम’ को मोफसल प्रचार सुरु गरिएको छ । निर्माता छविराजसँगै निर्देशक नवल नेपाल, नायिका शिल्पा पोख्रेल, नायक पुष्प खड्का लगायतको युनिट पुर्वको धरानबाट मोफसलका मुख्य शहरमा प्रचारको लागि निस्किएको हो ।
फिल्म युनिट धरानबाट इटहरी, दमक, बिर्तामोड हुँदै चितवन, हेटौडा, पोखरा पुग्नेछ । नवल नेपाल निर्देशित फिल्मले पारिवारिक प्रेम कथालाई बोलेको छ । फिल्ममा शिल्पा, पुष्पसंगै नायक पृथ्वीराज प्रसाईँ, नीर शाह, मिथिला शर्मा मुख्य भूमिकामा छन् भने, नायिका साम्राज्ञी केमियो भूमिकामा छिन् । फिल्म फागुन २५ गतेबाट नेपालभरका हलहरुबाट प्रदर्शनमा आउँदैछ । शिल्पा र पुष्पसँग गरिएको रमाईलो कुराकानी हेर्नुस् :
फिल्मको निर्मातामा दिजेन्द्र शाक्य, साकार ओझा र ओम गुरुङ रहेका छन् भने विष्णु घिमिरेको छायांकन, दिपक शर्माको संगीत, गोविन्द फुँयालको कथा रहेको छ । फिल्मको ‘पर्ख पर्ख मायालु’ बोलको गीत हिट भएको छ ।
