‘लम्फू’ कबिरसँग मरिस्काको मस्ती (भिडियो)
फिल्म ‘लम्फू’ को ‘सँगै जिउने सँगै मर्ने’ गीतको भिडियो रिलीज गरिएको छ । प्रेम जोडीबिच प्रेम साटासाट गरेको भाव व्यक्त हुने गीतको भिडियोमा लम्फू उर्फ कबिर खड्का, नायिका मरिस्का पोखरेल, चाँदनी शर्मा, संजित भण्डारी र तरकारीवाली नामले चर्चित कुसुम श्रेष्ठ फिचरिंग छन् । भिडियोको कोरियोग्राफी रामजी लामिछानेले गरेका हुन् । भिडियो हेर्नुस् :
अर्जुन पोखरेलको संगीत रहेको गीतमा शुरेष लामा र अप्सरा घिमिरेको स्वर छ । गोपालचन्द्र लामिछाने निर्देशित फिल्म लम्फू आउँदो बैशाख २८ गतेदेखि प्रदर्शनमा आउँदैछ । फिल्ममा कुशाग्र भट्टराई, आयन खड्का, ओम गुरुङ्ग, अजित लामिछाने, सन्तोष कार्की, कुशल गुरुंग, काजोल, रश्मी भट्ट, जानुका पौडैल, पुष्प आचार्य, झलक कार्की लगायतको कलाकारहरुको अभिनय छ ।
पपुलर मल्टिमीडियाको लागि शक्तिबल्दभ घोरासैनीले निर्माण गरेका छन् । भूपतिको लेखन रहेको फिल्ममा दिपक बज्राचार्यको छायांकन र हरि सिलवाल सम्पादन छ । फिल्ममा पुनम गौतमको ड्रेस डिजाइन गरेकी हुन् ।
