प्रियंकालाई ‘शत्रुगते’ टिमले दियो यस्तो उपहार
नायिका प्रियंका कार्कीले चैत ९ गतेदेखि प्रदर्शनमा आउने फिल्म ‘शुत्रगते’ टिमसँग आफ्नो जन्मदिन मनाएकी छ । मंगलबार कुपण्डोलस्थित एक रेष्टुरेन्टमा केक काट्दै फिल्म युनिटसँग प्रियंकाले आफ्नो जन्मदिन मनाएकी हुन् । जन्मदिनको भिडियो हेर्नुस् :
जन्मदिनमा ‘शत्रुगते’ टिमले प्रियंकालाई फिल्मको भूमिका अनुसार प्रहरीको फोटो फ्रेममा राखेर उपहार स्वरुप दियो । निर्देशक प्रदीप भट्राई, अभिनेत्री दिपाश्री निरौला र निर्माता किरण केसीले प्रियंकालाई उक्त उपहार प्रदान गरे । सबै टिमलाई धन्यवाद दिदैं प्रियंकाले ‘शत्रुगते’ टिमसँग काम गर्न पाउँदा रमाईलो लागेका बताइन् । प्रियंकाका जोडी अभिनेता दिपकराज गिरी भने व्यस्तताका कारण वर्थडेमा उपस्थित हुन नसकेको दिपाश्रीले बताइन् ।
निर्माता तथा कलाकार किरण केसीले चाँडै बिहे होस् भनी प्रियंकालाई आशिर्वाद दिए । प्रेमी आयुष्मानले समय आएपछि प्रियंकासँग बिहे हुने बताए । निर्देशक प्रदीप भट्टराईले सबै कुरा मिलाउन सक्ने नायिका प्रियंका रहेको बताए ।
शत्रुगते मा मह जोडी सहित दिपक, दिपा, किरण, प्रियंका, पल शाह, आँचल शर्मा, शिवहरी पौडेल, बसुन्धरा भूषाल लगायत कलाकारहरुको अभिनय छ । फिल्मको रुपै मोहनी बोलको गीत हिट छ ।
