बैशाख २१ मा खगेन्द्रको ‘डमरुको डण्डीबियो’
फिल्म ‘डमरुको डण्डीबियो’ को रिलिज मिति तय गरिएको छ । दुई नयाँ पोस्टर सार्वजनिक गर्दै फिल्मको बैशाख २१ गतेलाई प्रदर्शन पक्का गरिएको हो । फिल्म मा अभिनेता खगेन्द्रलाई लामिछानेको मुख्य भूमिका रहेको छ ।
स्क्रिप्ट राइटर छेतेन गुरुङको डेव्यु निर्देशन रहेको फिल्म मा खगेन्द्रसँगै मेनुका प्रधान, अनुप बराल, वुद्धि तामाङ, लक्ष्मी बर्देवा, अंकित खड्का, नमिता घिसिङ लगायत कलाकारको अभिनय छ । समृद्धि इन्टरटेन्मेन्टको ब्यानरमा विनोद गुरुङ र नुर्बु छिरिंग घलेको लगानीमा निर्माण भएको फिल्ममा खगेन्द्रकै लेखन छ ।
प्रितम पाण्डे र निमेष श्रेष्ठको सम्पादन रहेको कालीप्रसाद बाँस्कोटाको संगीत र हरी हुमागाइँको छायाँकन रहेको छ । फिल्ममा नेपालमा लोप हुँदै गैरहेको डण्डीबियो खेलको कथालाई मुख्य रुपमा उठान गरिएको छ ।
