रेखाको ‘लाल मस्तिष्क’ बाट निकिता फिल्म वितरणमा
निर्माणको घोषणासँगै नायिका रेखा थापाले फिल्म वितरणको जिम्मा पनि सुम्पिएकी छन् । आउँदो सालको तिहारमा प्रदर्शन हुने रेखाको ‘लाल मस्तिष्क’ लाई मोफसलमा एफडि कम्पनी र राजधानीमा वितरक गोपालकाजी कायस्थले गर्ने भएका छन् । बुधबार मात्रै लाल मस्तिष्क वितरणको सम्झौता भएको हो ।
‘लाल मस्तिष्क’ वितरणसँगै विकास वोर्ड अध्यक्ष निकिता पौडेल पनि नेपाली फिल्म वितरण प्रणालीमा सरिक भएकी छन् । रेखाको फिल्मबाट अध्यक्ष पौडेल वितरक भएकी हुन् । ‘रेखाको फिल्मबाट म र निकिता पौडेलले फिल्म वितरणमा सहकार्य गर्ने भएका हौं’, वितरक काजी भन्छन् ।
रेखा शिर्ष भूमिकामा प्रस्तुत हुने ‘लाल मस्तिष्क’लाई सम्झना उप्रेती रौनियारले निर्देशन गर्ने छिन् । फिल्मको छायाँकन जेठको पहिलो सातादेखि सुरु हुनेछ । निर्माताको रुपमा सरस्वती थापा, नर कार्की र तारा थापा राणा रहेका छन् ।
